( امتي تصوم )٥١٩
لما انت ياواد عامل راجل
مش كنت تصوم
عن العيبه وعن الغيبه
فيهم ما تعوم
وتقول الحق وبلسانك
تنصر مظلوم
بقيت واد عره كمان قله
انا فيك مخموم
لكن انت بعت ياواد عمي
وبقيت بهلول
وعملت عمايل كده سوده
وبقيت دلدول
لبست بقيت كيف الحرمه
وده.شرحه يطول
ارجع عن سكه انت مشيتها
يابو جيب مخروم
خليت الحق بتسعيره
ولزمك معلوم
وتقول ال يقوله المنتج
وبقيت محروم
لا نخوه و راجل من عيله
ولاليها مضموم
اخترت مابين سكه وسكه
وبقيت مهموم
م الهم مش يسيبك ابدا
وياعيب الشوم
راح تغرق ف بحور اشرارك
فاكر ان تعوم
مش فاكر ان هناك آخره
وقيامه هاتقوم
والجته خلاص اهي بتنحس
ماحاسس بلوم
ارجع يا ولد. وما تتهور
وماليها لزوم
ده دنيا ليها ساعه وساعه
وعليك هاتزوم
ان زامت ماهاتلحلق دنيا
ولاساعه ولا يوم
اكد لو مره انك راجل
ونضف جواك
اتبع الصالح والفالح
وانسي لهواك
وهواك انساه اصلح حاله
والنيه تصوم
ضبط لحالك واحوالك
والله مخدوم
ليك رب. بيقبل للتوبه
ويارب تدوم
ادعيله ان تعود لثوابك
وانك هاتصوم
ارجع ياواااااااد.!!
ليست هناك تعليقات:
إرسال تعليق