( تسمحي )٥١٨
لو تسمحي!!!
ممكن لمره تكتبيني
لو حتي اسمي تشخبطي
واجي مره يوم ف بالك
و عليا .تيجي تخبطي
تفتحي. الحنان لسنه
او لمره نقطي
تخشى. داري
واشوف لخيرك
يزورني مره ف مطرحي
لو تسمحي
ممكن. بعيني تقطري
ممكن لزرعي تمطري
واشوف لمره ضحكتك
وتفتكريني وماتسرحي
لو تسمحي
ممكن ف محرابك اصلي
ممكن اعيشك ماولي
ممكن تشوفيني تطلي
وتعاتبي.دون ماتجرحي
لو تسمحي
عايز اشوفك حنينه
قولك بكلمه لينه
يخطي يقصدني انا
افرح وانت تفرحي
لو تسمحي
ممكن اكون يوم ف العدد
ممكن لبسمه. تكون مدد
وسط الولاد معدود ولد
مبقتش عارف مين انا
طب فهميني واشرحي
لو تسمحي
جوايا ليكي. كلام كتير
جوايا هم.فاض بيه بير
وان كنت بيك بستجير
يمكن تحني وعند ظني
وع راسي مره تمسحي
ده لو سعادتك تسمحي
لو تسمحي
بقلم/محمود عفيفي دومه
ليست هناك تعليقات:
إرسال تعليق