(قلم جاااااف )٥٢٢
وقلمي لسانه طويل
بعلم فيه وبالعافيه
واحكيله ياعم اهدي
وليه مصمم ع ال كافيه
ماتهمد!!
واسكت مره اوقصر
ناوي ع علقه تكسر
ياعم.اعقل و خليك طوع
ليه غاوي لعكس الريح
وليه ماشي ف الممنوع
وليه تحكي وتفسر
ولسانك طويل وصريح
بتتلامض عملي فصيح
ومخصوص. ليا انا مصنوع !!
هاتاخد كوع
ياعم اقطم
هتاكل بغاشه وبقلاه
ياعم اكتم
ناوي لعيش مع حلاوه
انا هاخلع انا سنك ..
.ويبقي ارتحت من زنك
وروح حابس كمان جنك
لو حد سألني فين قلمك
اشاورله
يلاقيك مرمي ف الأوفه
عامل ميت...وبحبرك
وخرصت وانقطع نبرك
يجيبوك تاني بتكفي
اقول شغله معايا تاني مفيش
خلاص فنش خلاص صفي
خلاص انسووووووه
طلب ع روحوا للرحمه
قولوا المرحوم.
ركن ع جنب
قولوا اتوفي
ليست هناك تعليقات:
إرسال تعليق