نور صايمه
..................
بنتى نور مهجتى
رابع سنه بتصوم
كبرت حبيبتى سنه
وعودها شب وزاد
وفى اللماضه مدرسه
بتحكى سين وصاد
وشاطره فى الهندسه
عفريته فى الإثبات
..
وعارفه إن الصوم
من قبل ثمود…. وعاد
والطاعه والتقوى
لينا ستر…….. وزاد
واحنا لرب الكون
مؤمنين…….. وعباد
البنت نور شاطره
بنت غير…… الولاد
..
بس فيه مشكله
هى سارحه فى وادى
واحنا غيرها في واد
لما تيجى تصوم
تبقى زى الموساد
تغش وتحور
ليها هدف ومراد
..
عايزه…….. وقت الفطور
يجي……….. قبل المعاد
والضهر… عايزه السحور
نكرره…….…..… ويتعاد
..
وويا كل أدان
تاخد م العصير… شفطه
وتروح المدرسه
ونشيل لها…… الشنطه
والفسحه تاكل بلح
رغم إنها……... صايمه
واعصابها…….. متوتره
متنرفزه….… وشايطه
وعيديه..... تبقى دولار
ورطه........ب ١٠٠ ورطه
وزى باقى…... الشروط
ليها كمان……..…شرطه
الأكل…... زى. المذاكره
مالهشى……... اى معاد
..
وعايزه….. تشرب يوم
ويوم……. تكون نايمه
وعايزه……. تاكل يوم
وتبقى كده…… صايمه
..
وصيامها كله……جهاد
واحنا…….. إللى بندقق
والصوم….. عن الأذى
بالصبر................يتحقق
والصدق…… في النيه
والفجر............بيشقشق
حياتنا تبقى.......هنيه
عصافير .......وبنزقزق
..
اهم………. م الازأزه
والأكل…… غير الزاد
..
قولوها…. تسمع كلامى
إن الصوم…. عن الأذى
والصوم كمان… ع الزاد
وتنسى الأزأزه
وكل شغل الموساد
والصلاه والصوم
هما دول……… الزاد
…..
وبعوده..... شهر الهنا
وسنين كتير…. تنعاد
نصوم سوى.. رمضان
وخيرنا عم …...وزاد
ليست هناك تعليقات:
إرسال تعليق