( مفزوع. )٥٢٣
ومين قال ان ده ممنوع
عيني تغمض
ومن نومي اقوم. مفزوع
ع حلم وفيه انت
وسماكي. ضباب
لابسه اسود. محنيه تراب
وولدك ال كان ع كتفك
واقع منك. و نازل مرزوع
ومتكفي ع اهره
وعلي الارض وعلي صرخه
وكان فاكر طلع مخدوع
وبيحبي. ووشه شايف ضهره
ودموعه خارجه عن طوعه.
جموح الرعب جه رافصه
وف الضلمه وبيدور .
ومش لاقي هناك نفسه
وانا شايفه. ومعدوده عظام قفصه
ولا طايل نفس مقطوع
وانت واقفه محنيه
وسط هيش وكله سراب
وحواليك لشوك بانياب
مفيش يابس.
وخضاره م الدسم منزوع
وغيام فارد جنحته طاووس
واقوم وأقلق. واقول ده كابوس
وشريط الحلم. يلف يدور
قادوس يسلم. لقادوس
ويدوب اغمض اشوفك تاني
واقفه وحيده. وخيالك وحده وحداني
هو الوحيد ليك مونث.
مطاطي راسه متخنس
وليكي تابع. ولونه اسود
ومتعشم بلون تاني ومتحنس
اقوم تاني واكون مفزوع
ومتحير. وندايا
صوته مش مسموع
طب اروح اجيب ال ع الارض
وال م العياط مسروع.
تناديني وتمد طرحتها
وسره فيها فرحتها
وتقولي خدهم
خليهم معاك. وروح غادي.
وفرقهم ع ولادي
واستغرب انا مش شايف ليكي ولاد
ده انا شايف بعيد كام ديب
وشايف ولد ماسك سهمه
وامله يصيب
وخايف يرمي ليه لا يخيب
ولايحميكي وياكله الديب
وتبكي وتبصيلي بصه.
منيش عارف بتترجي
ولابتتهمني بالخسه.
ومن تاني اقوم مفزوع
طيب احكي الحلم
ولا ده ممنوع!!
ليست هناك تعليقات:
إرسال تعليق