( صفي. )٥٣٩
كنت يوم كفك ف كفي
كنت يوم واخدك ف صفي
كنت ليا ف عطشي نهري
ليه ف غفله يخلي ضهري
والنهارده بقيت عدوي
تجري وتطفي ف ضوي
تقطع وف لحمي تشفي
مش كنت امبارح اخويا
وكنا عيله فيها امي
رمانه وميزانها ابويا
نفس همك هو همي
بعنا كل غالي رخيص
وهان الدم وكأنه بويا
نفس لونك هو. لوني
ولون قميصي وبنطلوني
والكلام نفس الكلام
ونفس كونك هو كوني
والماعون هو ماعوني
عيله واحده وكنا امه
كنا سد ونمحي غمه
وبأدينا بنبني بيتنا
كنت عونك ومفيش تالتنا
الخراب ليه رايحين نجيبه
والعمار بنجري ونسيبه
ونقطع الوصال ما بينا
وزارنا شر وجاب لهيبه
صفي كل الشر صفي
وهات اديك وكفك ف كفي
ده انت مني. وانا منك
دي الديابه ساكنه غابه
ف انتظار وقت التشفي
فوق ياخويا الدم واحد
ليه تخلي القلب جاحد
فوق هانغرق ف الهموم
كله غارق مفيش لعوم
والشيطان كافر ولاحد
ساكن ف جحره وعابد
مستني هناك ولابد
تبقي وحدك وابقي
واااااااااااحد
بقلمي/محمود عفيفي دومه
ليست هناك تعليقات:
إرسال تعليق