( يادنيا ياطاهره. )٥١٦
طب ماتهدي
بأدف ف الهوي بيدي
ولا ملاحق
وبندهلك ومابتردي
ومن رقبتي ماسكاني
وكاتمه لكل انفاسي
وعني الفرح بتسدي
طب مره قولي.او عدي
بلا رحمه
وماسكه جتتي تشدي
تصحيني بكام لطمه
تسيب لعلامه ع خدي
ومن خيرك مفيش قاطمه
وعندي تخطي وتعدي
وتروحي تبعتي ورده
لناس بارده. برود طوبه
اخر القفص ومعيوبه
و تخليهم ناس استاندر
وانا خارط لكام خارطه
وبقت ورطه
ويوم بني وفيه رعدي
.وده بيكبش ومتغندر
واروح اجري
وأدف ف الهوي بيدي
طب ندعي. طب ندي
شمسك نأحه ف نفوخي
وقصداني تشوفي دوخي
والنسمه لناس ساقعه
ف كتابك يدوب واقعه
وكان ودي وكان بدي
اجي انده وماتردي
وع خاطري واكون مقموص
واقدف في الهوي بيدي
وابرطع وصوتي يكرهني
مانا من أنكرالاصوات
ودي وراثه وعن جدي
وف الخيبه وارث لقيراط
ياكريمه ياسيده ياطاهره
ع حيطانك انا بملس
ياكريمه ياسيده ياطاهره
بقيت عاطل جيبي مفلس
مليش ف الشمال يامه
ولا بهجص ولا بهلس
وقريت كام فاتحه لجنابك
رايدك وواقف ع بابك
يزقوني وانا متربس
عايز لقمه عايز البس
خدي بيدي واوام شدي
وانا نادر ليكي ملبس
لكن باين مابطل جري
وهاأدف ف الهوي بيدي
ليست هناك تعليقات:
إرسال تعليق