( اخاف. )٥١٣
علمتيني ليه اخاف
ورتيني بأم عيني
.ف حياتي سنين عجاف
خلتيني ليه احبك
بس ناقصه لحرف كاف
هو قلبك يوم ماحسش
ولا مره عمره شاف
ليه خيالك مش فاكرني
ولاجاب لسيرتي طاف
كل طعم فيك دردي
نفسي لو ساعات لطاف
ليه مصره تعلميني
عز حضنك اني اخاف
فين رضاك... راضي حاف
فين هواك ...ولازاف
بس مساعي خلق كتير
بس ليا الهجر.. لاف
بين سطورك ليا كاتبه
رهبه ومصاحبه رجاف
كل كاف كات ليكي انت
مانت بيتي و مدينتي
فدادين براح لناس وناس
م الحنان مانابني سنتي
شيلتي.تقلت ع الكتاف
مابقتش عارف ابقي مين
نفسي تعبت م الخلاف
هو انا مش ع الخريطه
ولااكون كائن شفاف
منك اتعلمت اخاف
يدق قلبي رعب منك
ريقي ينشف يبقي جاف
بدور مش لاقي نفسي
تعبت من دور الكلاف
علمتيني ليه اخاف
خيرك وشايفه هناك مبعزق
عندي يجي ...ويبقي حاف
وانا ال حارت...انا ال بعزق
وانا ال راكب ف رقبتي ناف
انتي برضه زي مانتي
تعلميني وسط النور اخاف.
بدعي ربي الله يسامحك
يحمي كهلك يحمي شابك
راضي كل حاجة منك
لو حتي اكون مضاف
كل ده وباقول بحبك
بقولها كامله بحرف كاف
بحب........ك
بقلم/محمود عفيفي دومه
ليست هناك تعليقات:
إرسال تعليق