(انا و نفسي)٥٣٠
وساعات احاسب نفسي
واكلمها..ولملمها.....اهديها
ولو زامت..... بعديها
واطاطي واقول.... معلشي
بكره مع الزمن تعقل.
.وتبان علاماتها ع وشي
واسهيها تكون نامت.
.واتسحب واروح احلم
بكام حلم..بشتاقه....
واعيش واقرأ لاوراقه
ولما ارجع وتسألني....
.تقول فينك
اخبي عليها هفواتي..
..وكلماتي وعفواتي
واقول ماانت شايفاني.
..مانا واقف اهو وقدامك
وبجرجر اهو ف اقدامك....ومالوشي
واداره.... عشان بتعرفني من وشي
ولوقولت انا نايم...
.ولو قولت ع الكلام صايم
واتاوب ..واعمل ان انا نايم
عارفاني ...
وفاقسه ان ده غشي
واجيب الكدبه قدامها....واجي دبحها
واي حاجه تزعلها....أغضبها واروحها
واروح اطبطب واصالحها....
خلاص معلش يانفسي
خلاص ارضي.....ده انا المغلوب خارج ارضي
وعمر القصه ماهي حابكه...
ولااقدر اهز للشبكه
ومن تاني اجيب واطي....
وقدامها انا مطاطي
واحايلها سيبك مني
...واجيب للزمه وتطاطي
وتبلفها... وتصرف ع الكدبه تكلفها
وتزوقها وتغلفها
وادعي يارب .وآلفها.ماهي نفسي
ولو رضيت.....تحلي الدنيا...وخلاص قضيت
ولو. زامت..
..اشوف الدنيا انها فضيت
يارب اهديني ليا.
...وليها اهديني
يارب من محاسبتها تعديها....
وتعديني...
بقلمي/محمود.عفيفي دومه
.
ليست هناك تعليقات:
إرسال تعليق