(..لمسه..)٥٣٢
بس.. انا كنت فرحتك
كنت البيشه وطرحتك
كنت نسمه .....الفرح
من اي نسمه جرحتك
و انا ال كنت... تغنيلي
ويطول هواك وجميل ليلي
ولما كنت اقول لك سلام
لو وسط بحر تعديلي
صحيح ملاوع وبتنسي
لا ليك لا شط ولا مرسي
كنت تصبح ومن بدري
وكنت تدوب اوي من لمسه
كنت ما اقولك انا ماشي
ترغرغ وتقول خليك خمسه
غويط بحرك ملوش ارار
واعر غدرك ومش هانسي
غموضك متحاوط اسرار
مخاوي الجن ومصالحه
والاعيبك بجيش جرار
وجن ع جن اتصالحوا
وكام غريق في دوامتك
نزل بحرك .وفكره امان
مانال منك سوي صمتك
وحمل وشيله م الاحزان
وتروح وتشتري غيره
وعرض لسهمه في البورصه
بشطاره تعلي في سعره
وبعد ما تعرفي سيره
نصيبه نقمه وكام جرسه
ودي حقيقه لكن مره
تدبري وتعملي كماين
لكن ربي عيون حارسه
عارف فعلك وليه معاين
حاسب مره لاافعالك
راجع
مين ف شدتك جالك
يوم هاتشرب نفس الكاس
جزاء م جنس اعمالك
سلام......
ليست هناك تعليقات:
إرسال تعليق