( إذ فجأه. )٥٢٨
وفجأة بابك خبط
بتستغفر من اوزارك
وجتك لهفه وبتعبط
خطف عينك وانظارك
ومين ده ياواد جالك
شايل م الفكر ومربط
وليه جالك وآد نارك
واختارك خياله شبط
وليه ياواد جه وزارك
ما تقوم تفتح!!!
وشوفه مين!!!
وخليه تحت منظارك
و من بابه ليه مهبط
وليه جاهز بأعذارك
وليه خايف ومتردد
كتيره هي احذارك
وعملت مناحه.بتعدد
طب شوف مين!!!
ما يمكن حلم بيتودد
وليك قاصد ومحدد
ولو رايدك ماتكسفهوش
تكون ورده
وصابها... نداك.
طلع اوراقها بتجدد
خايف ...
طب ليه ماتجرب
خوفك.باعدك.مابتقرب
مع انك لريحه الورد
قريب منه مامتغرب
لكن اقولك
لو...يوم خبط بابك
وانت قلوق ومتردد
قفل حواس لجنابك
وشباكك كمان سدد
وحط ايدك ع خدك
وهناك ف ركن
اعد عدد
ليست هناك تعليقات:
إرسال تعليق