الأحد، 21 أبريل 2024

كاك كيك/الشاعر محمود عفيفى دومه مجلة روائع الشعر والنثر وفرسان الحرف

 ( كاك كيك )٥٣٣


حط الفراخ ف القفص

وقفل كمان بابهم

وشح كمان العلف

ونسي ال كان جابهم

لا همه  مين بيكاكي

ولا ايه كمان نابهم

دخلو بمزاجهم قفص

والعقل تاه عابهم

شافوا الوشوش ف المسأ

خابو وزاد خابهم

قالوا اهو لقيناه

والصوره لجنابهم

نشفت كمان المسأ

الذعر جه صابهم

حلفوا يناموا حزانه

هما واربابهم

وياكلوا زلط وطين

ومايروحوا كتابهم

وان قالوا يابطني يوم

وحيلهم مشي وسابهم

يصبروا ع بلواهم

ومايسمعوا كدابهم

والله عنهم  غني 

وكفاية  مانابهم

كاكي ياديك كاكي

سامع الادان باكي 

دمعك ملا المسئه

وازعق وقول يارب

ع ابتلاء صابك

وكتاكيتك كمان 

صابهم


ليست هناك تعليقات:

إرسال تعليق