حوار الصامت/الشاعر محمود عفيفى مجلة روائع الشعر والنثر وفرسان الحرف

 (.حوار صامت )٤٣٣

حروف  الكلمه تحدثني

و بتلومني علي خوفي

وتقولي... اكتبني....واحييني

.و سمعني..واحكيني

من غير رعشة ف كفك..

معاك انا اهو.. وانا ف صفك

واوعي ف مره تمحيني

وان زارك. ف يوم ومكروه..

فداك  دم شراييني

.واروح واشهد

 انك كاتبني وده حبري

.ما انت ال ليا ف الدنيا

عايشني وليا اخر صبري

وقلمك لو شاف  عوه 

وسيول ..وزومه للنوه

ع البركه تكون راكب قطري..

..تروح خاطط واخد ساطري

 والنقطه تاخدها عشان خاطري

وبلاش ترميني مع قلمك ..

.وماتكتبنيش...وترميني

 واعيش محبوس ف جوف قلمك..

.و سيبني اعيش وعديني

وليك عندي اني انا اساعدك

 وتكتب ع الشين.نقطه....

وانا.  راح  اكمل للباقي

وتكتب للسين سنه.....

 وانا اكمل  ف اوراقي

و مصير كل الجروح  تبرد.

وساعه عطشك اكون  ساقي

واروح واشهد..

واقوله يا عمنا القاري...

..كتب حرفه من وجعه

وبيكلم عن حاله ..و نجعه.

.ماكان ماشي بيتغندر

ومين هانه.....وليه وجعه

واقول الحق ولا احود.....

ماانا ع الحق متعود

واقول الحبر من دمعه 

.ودموعه بله كراسه

بتسبقني هناك ع السطر ..

.وحروفي ف حيره  يحتاسوا..

.واستني للدموع تنشف ماتنشافشي..

.واستني انه يشوف النور .ماينشافشي

واستني الصحه ف عروقه..

.. ويصلب طوله مايقعشي

الاقي عوده لسه.اخضر .ومانشفشي

وديني جيت .اعد وياه ومش  هامشي. 

حرفي أصيل...ومن قلمي ماتلامشي

 ده انا حرفه....وانا قوته ..

وانا الغنوه ...وانا صوته.

وانا همسه

وانا بكره.... وانا امسه...

وانا ال بطبطب عليه لما..

.تغيب وتعوق عليه شمسه