( المولد..)٤٢٣
ومين قالي روح المولد
وطاوعت لهوي جني
اديني روحت ماكسبتش
وضاع املي وتاه مني
بقي مجهول مين الجاني
وانا المتهم وتاهمني
بدور فيك ع وشك
ع قشه حتي من عشك
ومش لاقيه
والف تاني كام لفه
ف حاره ف لمه وف زفه
واقول باقيه
يمكن اقابله هناك صدفه
اخش الحاره والعاطفه
وابص ف الوشوش تاني
ومش لاقيه
تعبني اللف بدور ساقيه
واطوف ادور
هو ال هناك كده منور
ودعوه يارب ان انا اقابله
طب احكيله طب اكتبله
وقوله كل الوشوش شبهك
عنين واسعه وشعر اسود
ومش طبعك...
مش فاضل غير اني اروح رابعك
معايا صوره لعيونك
ومعاها بصمه لصوابعك
وروح انادي...جميل تايه
وانا البادي...
وانا ال وديته المولد
وتاه مني
مفيش مخلوق يطمني
نعالي داب وأملي خاب
ومتوغوش
وقلقي ملكني ومكوش
وقلبي مش مطمني
وبجري وسط سحاب وضباب
كل دليلي صبح كداب
طريقي غاب وتاه مني
اروح وارجع...
. سراب ف سراب
وياخساره
شبكتي فاضيه وسناره
وجريت زي ستنا ساره
وضاع مني
وهو كان مآمني
واخدني معاه
واهو باعني ..
.وتاه ف الزحمه ضيعني
وانا ال خدته للمولد
وتاه مني
وانا. المحقوق .... وتهمني
ليست هناك تعليقات:
إرسال تعليق