(..انا وستي..)٤٢٨
وسلامه عليكم ياستي
ومن جوايا الله يحرسها
ايدك ابوسها..
.مين..!!...انت...!! امين
جيت ياولدي
بقيت بتشوفني ياولدي طشاش
ياواد ده انا ال نظري انحاش
طول عمرك غاوي تضحك
ومن يومك ياواد بكاش
.يا واد سيرتك هاتتعيب
بطول وعليه وبتغيب.... وتتعفرت ولا اتهديت
صحيح ياواد اتغديت..
. صحن المش ياولدي هناك .....وسريسه وجعداده
ولا اسلق لكام بيضه
ولا بقيت من البندر
وعلى ستك هاتتغندر
وبقيت تاكل ع الموضه..
.طب اقولك
هش الفرخه ياولدي وحوش
... هناك هتلاقي ف البقوش
شويه لبن ..ويارب تتهنه..ورزق عروسه م الجنه
..بقولك العيش هناك عارف مكانه
ومتونسه بيه المشنه ..
.وسقي.وفت... وبطل رغي وكل الاول.. بس اوعي بعد الاكل تشت
وحشني ياواد تعالي ابوسك
شاطر ياولدي ف دروسك..!!
وقولي عامله ايه امك
واخبار ابوك مع عمك
مش هانفرح بيك....ما تاخد واحده من دمك
ولسه معاها هاحكي واتوه.... وقولها... شوفتي..!!
..وخخخخخخخ. راحت..نامت .ستي.
وبكره نكمل..... ستي..ستي......انتي نمتي
خخخخخخخخ
ليست هناك تعليقات:
إرسال تعليق