(..مدووش..)٤١٧
وليه مدووش...!!!
يله نروح ....سوي للدكتور
واقره الفاتحة.لكام ملطوش
وخش ع الدكتور مبسوط
وأفرد وشك خليه بشوش
ودورك جه
بعد الفحص وبعد المحص
وخد نفس ...مطلعوش
فجأه اتخض..وظغرلي.قالي
حوش يارب ويارب حوش
كل الحمل ده وجواك..
ليه البشر قلبت لوحوش
حوش يارب ويارب حوش
شوف ياابني.
حالك.كده والله ماعاجبني
ال جالك...
قبل منك ..جاني صابني.
ليه .مدووش!!
انسي خسيس وبيعه وفرط
بالرخيص ..و ماتشترهوش
وال باعك عز ضيقتك
بيعه بخساره ولو بقروش
لسه يابني الوقت بدري
وراح مخبط تاني لصدري
لكام خبطه وقالي قوم
وبص ف عيني وعمل زووم
وايه ده يابني..!!
اتخضيت قلت ايه نابني
ومانا قافل لجراحي وساكت
مين كان شار....ومين هنا جابني
وكتب لحبوب ...صنف قليل
والمكتوب شايفه انا مقلوب
ورد علي.. بحده وقالي
ال كتبته حبوب ايوب
تاخد حبه الصبح ع الريق
وقبل النوم تاخد حبه
وشويه ميه من إبريق
وراح.اكتبلك حاجه للصبر
تاخد منها وقت الضيق
تاخد منه أمر... وجبر
اسبوع واشوفك ياصديق
هاتبقي كويس من غير نبر
وال قالولي كام مكتوب
روحت أجيبه
جري ف جري من تلابيبه
وفركه كعب من عنده يدوب
وانا ملهوف اديته الورقه
وبص وشاف....آم بحلقلي
بعديها برئلي....وقالي
يااستاذ الورقه دي بيضه
وانت علاجك مش مكتوب
بس انت عليك بالصبر
وحاول
حاول يابني تكون ايوب
وراح معيط..!!!.......
ليست هناك تعليقات:
إرسال تعليق