(..خاله فجريه..)٤٢٧
فجريه وفي عزها ..
..معرفش مين جه وزها
وقالها توهي يلا واسرحي
..واسعي وماتبعدي
بس انت عارفه مطرحي
..كلميني واشرحي..
وفهميني ايه الحكايه والحدوته..
بس قولي واعرفي
بس لو كلامك مش لادد عليا
...هرد اقول بتخرفي
ياه.ياولدي....يعني ابن ابواسمعين ...يبقي ....اسمعين
....ولا مين..ههههه
مش بقولك اكيد بضحكي.
..ولا غاويه تستظرفي
اسكت ياواد
اسمعين دلق الطحين ومرمطه
.ونبه كل واحد....لسانه ف بقه يخيطه
قال ايه مش عايز عجين..
اصل العجين بيعفرته
ياسلام بيعفرته......
اصل لما بيشوف الغلابة بيلعبوا
بيفرحوا.ويسعدوا ويدلعوا.
.ولما كان يشخط و ينتر
قال.. لاخافوا منه.. ولالكلامو يسمعوا..
....يقوم العجين يجي وبجبروته ويمنعوا...
...اه عشان سعاده متجبش الحطب ...
.وماتخبز اورصه وتحشيها بلح ومن الرطب
يعني كده المم م اللسته اتشطب...
يعني بالمفتشر..
..مفيش عجين....من منبعه وهاتبقي طين ....وزياده
ومفيش سعاده...
وكمان تبطل للخلف..
.وايه السبب
يمكن ياواد التبن ناقص والعلف.
... وكل ده قالو اسمعين.!!
امال انا....ولا مين..!!
انت حمار......حتي الحمار حس بمرار
شيال....جرار......واخر النهار.
. ف الزريبة ومن غير عشا
وكده خدنا حته من هنا.... وحته من هناك
واهي كشكشه..... بس الحقيقه دي نعكشه
وبعدين ياخاله....بتناديني وياواد تعالي..
ان قولت جبرت وبطنك زي ماصبرت ..
.هاتتراضي بحته جبنه مالخاله...ف الخزانه محوشه ..
اتغدي بيها واخلي حته للعشا ....
لكن بعد ال شفته
الحاله بينها ناشفه.
..وتعيط تقوم راشفه
ايوه ياولدي....بقرتي... وعمري ماعيبها
كنت بصحي فجريه بحلبها
واكلها واشربها.
لكن نشف لبنها وقوتها
...وهي جوه بتصارع موتها...
.لاقادره ابص في وشها..
.ولا قادره اسمع صوتها
وانا قاعده وبدعيلها..
.. وظني يابني يغور...يعديها.الموت...يفوتها.
..وتعيش
و بس ساعتها ...إياك متجيش.....
وانا احلب واديلك
وسره جبنه ف منديلك... ورغيفين م العيش
..ومن خيرها راح اهاديلك... والحالة
ربك يبدلها......نفسي يابني احنيها...واغنيلها
طب انت كنت عايزه ايه
ايوه يابني.....ندهاك ياولدي تدعيلها
وقول يارب......
ليست هناك تعليقات:
إرسال تعليق