(..سنجيبو..)٤١٤
ووسط غابة عايشه ديابه
بتجري تطارد السنجاب
مغامره ومطاردة .
..و ايامها بارده
والكل جعان..يمكن اصاب
وديب بيدور علي قوته
وسنجاب طالع..... يجيب موته
ونده بزعيق آخر صوته
وعايز افوت
وجاي يجري ورايا الديب
معاه الموت
وبيجري وانقطع نفسه وشاف للجحر.....
راح داخل ....معاه امله وراح دافسه
وديب واقف بينطط ..وبيرسم
خطه بيخطط
بياخد نفسه ....كاتم صوته
وسنجاب سامع هناك نكشه...
.خايف منه يروح عاكشه
..ونفسه مغطي لسكوته
عشان جوعه....
كان رايح يجيب أجله مع موته
ووقف الديب...وقصده خاب
جري السنجاب
خرج من جحره من تاني باب
عشان عقله فاهم وزين.
..حافر جحره وكان ببابين
....وطلع جري ع شجر التوت
ووقف الديب بيتحسر..
...واه يازغنطوط
بقي كل ده طلع منك...
ومني اجلك ينفد ويفوت
د كده لا انا ديب ولا حاجه
ده انا هلفوت
ومشي زعلان وف نفسه عاب
بقي انا الديب ال متعافي
ويغلبني يدوب سنجاب...
مانا ال واخدها بالعافيه.
..وانا ال جبت الكافيه
مانا لوكنت عارف لغته..
....وايه ميزته وايه عيبه
ودارس كل حركاته والاعيبه
كان زمانه بين انيابي... واتعشيت
لكن بصراحه في العافيه..
... انا اتغشيت
ليست هناك تعليقات:
إرسال تعليق