(..قول يارب..)٤٢١
خليها ع الله.....
واحمد ربك وقول يارب
وارفع ايدك
..ده اكيد سامعك
ومن خيره يعطيك ويزيدك
وارمي حمولك. ع الرحمن
ومع الله عمر ال عبد
مايوم هايكيدك
لا بأيده ضر ولا هايفيدك
ليك رب اسمه الرحمن
وهو القائل ف القرآن
(انا عند حسن ظن عبدي بي )
وكله يهون
أمره مابين الكاف والنون
..ربك يرزق وقت ماشاء
ربك يعطي وقت ماشاء
.ارمي همومك ع الخلاق
واوعي الهم وبيه ماتبيت ..
.ربك هو خالق الخلق
خالق الحي من قلب الميت.....
خلق الروح وخلق الموت
وخلق الرحمه ف بطن الحوت
والله ياصاحبي الرحمه ماتخلي
خلا الرحمه ف هزه نخله....
مين غير ربك كبير و مجير
.. ومن رحماته كتير وكتير
نزل رحمه لإبراهيم ف النار
وبعت الرحمه ليوسف ف البير
خلي جوه القلب يقين..
نبت الخير من وسط الطين
وقولي ياعم .
.من بعت الرحمه لموسي ف اليم
وقول يارب رازق الطير بالزاد والحب
سبح انت بحمد الله.
كل الكون ليه بيسبح
خلق الخلق رازق الدابه
ورازق الشجر .
تقلق ليه وخليها عليه
رازق الدوده ف قلب الحجر
وقول يارب......
ليست هناك تعليقات:
إرسال تعليق