(القرود.. والاسود)٤١٨
هناك سفاح...جارر لجراح
وانا جرحي فلسطيني
ناهب ارضي. هاتك عرضي
وغاصب ومحتل لطيني
وجروحي بالآهات.. نازه.
..هناك ف القدس. و غزه
ورغم الظلم والظلمه
راسي مرفوعه وبعزه
هناك ابويا هناك امي
وزغروطه ومفيش معزي.
.و كل الريح جايه معاكسه
دموع ف عيون .
وغيرها عيون جامده و باكسه
وانا سناني ع الالم جزه
وبتقاوم هناك امي هناك اختي وتاج راسي...
حزين.. شربت الكفر ف كاسي
معشش ظلم هناك راسي
ونار شابطه
وواقفه امي وماسكه ف الحيطان عابطه
وفي الاقصي..سبع.. ومرابطه.
وبتآسي ..تزين كتبي وكراسي
وانا ف حيره مع جنوني
لهجوم حيوان وصهيوني.
..وبيهبش
اسود واقفه... لو رملايه ليها يكبش...
واكيد في قبره راح ينبش
وشباب جسور وسط بارود
وبنات وهتاف..القدس يعود
.وانا ع الشاشه وبتحسر
ومن جوايا..متأثر...
.لا عارف افهم... ولاافسر.
..مش دول ...ناسنا..!!
وده قدس اقداسنا....!!
ودي ارضي ودي عرضي ودي خضرها يوم فاسنا..!!
صاحبتنا الخيبه..ويأسنا
.وتربسنا...... قافل بابنا
وحلم راح ...مع سرابنا....
يااهلينا في كل مكان
خدو...هدمتي. خيمه...خدوا روحي لأي روح
خدوا عضمي سلاح..وسطوح..
خدو لدمي يداوي جروح
و دمعي واقف ع المدنه وبينادي بصوت منبوح
ياخواتي ياعرب.ياشهامه.ياملاح
مسحراتي جاي وقرب ملامحه
صلاح .
وبينادي ..نفض لتوبك. قوم
وحي علي الفلاح
.
ليست هناك تعليقات:
إرسال تعليق