( المصطبه. )٤٢٥
علي مصطبه جدي حجازي
كان قاعد الواد عزازي
ابن فاطمه بتاعه الزبده
والواد ابن ستاته قاعد
ومدفي ولابس اللبده
وال قاعده..ع.بعضها متعرفه
ع الواد حسن ابن مشرفه
وكام حكاوه وكام حاكيه..
. حوالين خالتنا الراكيه
عزازي لجدي حجازي .
. كانت ايامكم احلي
لا فيها شقي وجري .
.ولا فيها طين ووحله
ولا كنتم زيينا...
بنزن كيف النحله
ام رد ابن ستاته
هو.ابوك ياواد ماقالك .
.ولا طوبه وحيطه
رد جدي حجازي..
. وكح يجي كام كحه.
...وقالوا شوف. ياواد
الدار كان فيها
قول يجي ميت بحه
اجوع ستك تجيبها
.... اوام اوام ندبحها
والقمح كان في الخزين
ساتر الدار يزين.
... ومين يواد حزين
ال اكلته. يسقعها...
....وناسي للمغرفه
قام قال ابن مشرفه
كان عندكم حلاق
وكان... عندكم افران
.ويرد.حجازي الجد .
...امال ياواد مفيش
كان عندنا الحلاق
يلف ع كل غيط معاه.
..شوال كمان وإغلاق
... مليانه خير للبيت
يرد ابن استيت...
. ومنين ده كله ياجد
...ويحكي عليه ويرد
زارع انا باميه
...يحلق و ياخد طبخه
.. وغيري زارع كوسه
ياخد كمان طبخه
.حلق لكام واحد
.ماتوحد الواحد
وكان مفيش لبخه
..عد ياواد انت
.... وابعد عن السبخه
وكان النهار طويل..
..ف الضهر ننام ونآيل
...ماحنا من الفجريه..
في الغيط ولا نميل.
..وكلنا في الشقي
..م الشايب للعيل
..والفرن كان في الدار ...
حواليه حبايبه كتار
الأهل ويا الجار .
..والكل فيه مشارك...
كانت القلوب صافيه
وكنا بنتسابق
وع الخير بنتعارك
....وربنا يعينكم وربنا يبارك
ليست هناك تعليقات:
إرسال تعليق