أه يادنيا
+++++++
آه يادنيا
طول عمري فيكي يادنيا
وأنا شايل هموم تهد جبال
وإن سألوني عامله إيه فيكي الدنيا
أقول تمام
تمام وعال العال
طول عمري فيكي يادنيا
وأنا شايل كفني علي إيدي
وإن شفيت من هم
اقول هاتي يادنيا
هاتي كمان وزيدي
لأمتي !!!!
لأمتي يادنيا هافضل فيكي رحال
وحدي شايل همومك إللي ما بتخلص
إللي مابتخلص وتهد جبال
لإمتي ؟
لإمتي يادنيا ؟
لإمتي هأفضل علي دا الحال ؟
ليا معاكي كل يوم ميت موال
قوليلي يادنيا
ليه رافضه تريحيني ؟
ليه قاسيه ؟
وليه يادنيا عليا دايسه ؟
جففتي الدمع في عيني
يادنيا مدي لي إيدك
وعني شويه م الهموم شيلي
عايزه أقوم من كبوتي
وأشد ولو مره حيلي
يادنيا بكفايه ...
بكفايه عذاب ومرار
كفايه حزن وكل يوم تكرار
خفي علينا
خفي علينا وبكفايه
بكفايه شماتة العزال
خفي علينا يادنيا
خفي وخدي بإيدينا
وبلاش
بلاش تضيعينا
تضيعي عمرنا وتبكينا
القلب ماعاد شايل
وروحي فيكي
بتدادي وتحايل
قتلتي يادنيا يادنيا فينا الحلم
جروحنا ماعاد تتضمد ولاتتلم
والسعاده
السعاده مخنوقه
ورا سحابة ضباب
وقليل الأصل الخسيس
إنتقدنا !!!
إنتقدنا وجه علينا وعاب
آل كبر !!!
آل كبر وداس علي الأسياد
والأمل
الأمل أصبح سراب
فين فرحك يادنيا
فين فرحك بكفايانا حداد
عيديلنا من تاني الأمل
عيدي تاريخنا والأمجاد
ولمة العيله
لمة العيله والأحباب
وكفايه
بكفايه بقي يادنيا عناد
بعدتي عنا الأهل والأصحاب
وبقينا وحدينا
بقينا وحدينا وماحا سند لينا
ذكرياتنا في الليل تسلينا
وتصحي نواح الألم فينا
يادنيا ليه تبكينا وتنسينا
وما تمسحي الدمع بعنينا
كفايه يادنيا دا الكيل طفح
والقلب بينزف يأس ووجع
ولا ذوقنا فيكي طعم الدلع
لومينا !!!
لومتينا يادنيا علي صبرنا
طيب وايه يعني
إيه يعني وإيه ذنبنا
دا حكم االقدر ومكتوب لنا
بكفايه
بكفايه بقي يادنيا
بكفايه وجع
دا أنا نفسي ادوق فيكي
ولو مره طعم الدلع
وعيدي
عيدي علينا من تاني الحياه
ماعاد فيكي يسعد
لا مال ولا جاه
ماعاد فيكي يسعد
لا مال ولا جاه
وآه يا دنيا
آه يادنيا
آاااااااه
صفاء عبد ربه
ليست هناك تعليقات:
إرسال تعليق