أغنية
(بندورعـ الوفا)
بندور عـــــــــــــــــــــ الوفا
في زمـن مليــــــــان بالغش
وكأننا بنـــــــــــــــــــــــــدور
على إبرة في كوم م القــش
💔💔💔
كله بيضحك على كلــــــــــه
ومخبي الشــوك في فلـــــه
ومغطي النار بضلــــــــــــــه
وراسم البـــــــراءة ع الوش
بندور ع الــــــــــــــــــــــوفا
في زمن مليـــــــــان بالغش
💔💔💔
الضحكه فوق الوشووووش
مكياج وكمان رتـــــــــــوش
والحـــــــــــب مابنشوفوش
من غير فلــــــــــوس تترش
بندور ع الــــــــــــــــــــــوفا
في زمن مليان بالغـــــــــش
💔💔💔
كله لابــــــــــــــــــــس قناع
متحرف في الخــــــــــــداع
والصـــــــــــــدق بيننا ضاع
وحياتنا فش في فــــــــش
بندور عــــــ الوفـــــــــــــــــا
في زمـن مليــــــــان بالغش
💔💔💔
بيننا أهل الأمانــــــــــــــــــه
مش واخدين المكانـــــــــــه
أما أهـــــــــــل الخيــــــــانه
عايشة حياتهــــــــــــا فرش
بندور عــــــ الوفــــــــــــــــا
في زمن مليـــــــــان بالغش
💔💔💔
بندور عــــــ الوفـــــــــــــــــا
في زمـــــــــن مليان بالغش
وكأننا بنـــــــــــــــــــــــــدور
على إبرة فــي كوم م القش
♡♡♡
كلمات
شاعر الإحساس
رضاعبدالحميد
ليست هناك تعليقات:
إرسال تعليق