فلسفه ... !!
اديني بكتب شعر
وحروف الكلام
علي لساني
من الالم بتموت
ماعرف أنا صاحي
والا شبعت أنا موت
شايف الهم اكوام بتتراكم
وباضحك بعلو الصوت
والحزن بيصرخ جوايا
موش طالعله صوت
أمور كتير ...
دنيا ومقلوبه
نابغه بيعافر عشان
يبني فيها طوبه
وفهلوي واصل
ماشي فيها لهلوبه
شاكوش وبيكا
بقيوا فيها مليونيرات
ومعلم طبيب ومهندس
يادوب بيلاقي
عيش يقتات
زهرة شبابنا في الساحل
سهرات عبث ومجون
والاسر عماله بتتساهل
ازاي بس ...??
يا بلادنا نتقدم
وكل القيم بقيت
في دنيانا معكوسه
الجاهل بيتكرم
واللي يعوز العلم
بيموت حياته يتندم
احمد المرشدي
22 اغسطس 2021
ليست هناك تعليقات:
إرسال تعليق