بيني وبينك حلم كبير
لسه مجاش
طير بيغني
رمش بلون الضي محني
ميعادك امتي
دوبت خلاص
واديني مستني
بيني وبينك كلام وكلام
كل مااقوله
يرجع تاني اقوله كمان
هو ده حلم
ولا غرام
يكنش المسروق منا زمان
يكنش العشق المتأجل
حالة غريبة من التوهان
سرك ايه
لا هو نن في عين
ولا بسمة خد
ولا دقه وزيدة
في قلب حزين
طب سرك ايه
ياسلام علي الحب
لمايتحس في قلب اتنين
ياسلام علي رقة
لا مش رقه
دي دمعة بتضحك
لما بتزهق منها العين
عارفه حبيبتي سرك ايه
لما بحسك
ااااه ياحبيبتي لمابحسك
بحس الفرحه
بحسك اميرة ولابسه الطرحه
بكتب كل حروفي عشانك
ماهو كل كلامي عشانك
يادوب سطرين
بحبك ايوه بحبك
مين يسمع
مين هيشوف
مين هيحس بقلب حزين
بعشق ضعفي وانا وياك
بحس حنانك
مااناعشت اواني قبل اوانك
وبعشق شوقك
بعشق روحك
وساعات برضو بحبك شارده
شوكة بورده
عارفه حبيبتي بحسك ليه
علشان انت اللي جوايا
بيني وبينك عالم تاني
عالم كله اشواق وحنين
احمدعبدالحق
ليست هناك تعليقات:
إرسال تعليق