(.. مساحيق..)٣٠١
وبالعافيه بلعت الريق
وياساتر...!!
كل دي مساحيق..!!
طريق الحق تاه منا
وليه اتسد كل طريق
وبقي ليه منتخب قومي
ويمكن يعملو. له.. فريق
ومن ليله وانا ماشي
و لقيت الطريق بيضيق
وده احمر وده اصفر وده اخضر
تاهت مني الوشوش بحقيق
وده احمر يداري الغل والعله
وده اصفر مغطي سواد وكام ذله
وده اخضر مداري الحقد والغيرة
وبقيت حيره
طب فين الوش الاصلي
يااااااه
.......بقت كل العيون عسلي
ودول مني
ونفس الصنف من نسلي
ومفيش حاجه تبل الريق
.شكلي غطست في الكدبه
وصل شوشتي صبحت غريق
وياااااه..
....كل دي مساحيق
ده اسود يزين للعين
وده احمر ع الخدين
مفيش لون صفا النيه
ياريت اقدر ابين زين
ودي سيامي ولاوحوش
والعيون لونها مش هيه
ومصيبه وحطت ف رموش
تهت وحيره مابين الوان
حقيقي يابوي انا صابني جنان
فوق الجلد الوان الطيف
فين الانس ومين الجان
شكلي نزلت ف بير وعميق
كله قشره كمان وحجاره
عمال أفتش...لكن يا خساره
وانامش لاقي اثر لعقيق
ياااااااه.....مخاليق
.كل دي مساحيق
ليست هناك تعليقات:
إرسال تعليق