إمَّعَهْ
ــــــــ
إمَّعَــــــهْ إمَّعَـــــهْ إمَّعَــــــهْ
ومــــــــــابِيمَشّيشْ غير مَعَ
أكتر واحــــــــــــد ح يفيده
ومعـــــــــــاه صَكْ المَنْفَعَه
إمَّعَهْ مسحوب من طوقُــــه
ومفيش احمر فى عروقُـــــه
اللى بيدفَع لُه يسوقُـــــــــه
ونـــــاقِصْ لُه يادوب بردَعَه
إمَّعَهْ ودمـــــــــــاغُه لاغيها
وسايبها مع اللى مــــــاليها
فى حاجات مش فاهِم فيها
تلاقيه بــــــــــــالعلم إدَّعَى
إمَّعَهْ كَــــــــدّاب ومْــوَالِس
على أى موائِد جـــــــــالِس
واكِل ببلاش أو حــــــــابِس
وينِمْ على مَــــــــــــنْ دَعَى
إمَّعَهْ وبتــــــــــاع مَصْلَحْتُه
تِحْتَارْ وِتتوه فـــــى بَجَاحْتُه
وعشان بيعيشها بـْــــرَاحْتُه
فى الشر خَــــدوم ان سَعَى
إمَّعَه رافِضْ يِتْحـَـــــــــــيِّدْ
على طــــــــول الخَطْ مأيِّدْ
تـــــــــــابِع على كلمة سَيِّدْ
ماوعيش وان شالله ماوَعَى
كلمات / سامى النويهى
ليست هناك تعليقات:
إرسال تعليق