المسرحيه
ف المسرحيه
كله متستف وجاهز
كله جوه النفس عازز
كله عاوز
تبقى تتفرج وعارف
والكل فاهم
الكل شايف
المسرحيه
بطل وخايف
وبرضه تضحك
فى الاعاده برضه تضحك
فجأه تتغير ملامحك
جوه منك حد سامعك
مش مسامحك
لسه مستني النهايه
رجعوها م البدايه
أنا شوفتها ياجى ألف مره
وبرضه بضحك
ضحكه باكيه
ضحكه مره
واللى جوه واللى بره
بيضحكوا م انا بلدى حره
حره بس فوق كتافها
ابنها كاتم نفسها
لاجل تفطس
لاجل تخرس
لاجل يتغير مكانها
وتبقى حاجه
زى حاجه
جوه حاجه
من بره حاجه
وجوه حاجه
والمرار مش ف انتظارى
أنا واخد ع الانتظار
المرار المسرحيه
بتتعرض ليل نهار
المرار
لهفتى وانا بنتظر
رفع الستار
وساعة اشوف المسرحيه
اضحك زياده
م هى دى الاعاده
اضحك على نفسي
اضحك على همى
اضحك على وهمى
اضحك على حلمى
اضحك على حلمى
اضحك على حلمى
اضحك على ضحكى....
ليست هناك تعليقات:
إرسال تعليق