(..الحلوه..)٢٩٥
مين دي ال كل شويه تناجي
فيها ما تقولي مين!!
مين دي ال كل شويه تدعيلها
واسمعك بتقول امين
قولي مين
مين دي ال بتتمني تفرح عمرها
وطول السنين
مين دي.شايفك فيها تسرح
وخدك حنين
ومين ال بتكتب فيها شعر
ملهوش حصر
واسمع بتدعي ليها كل فجر
ويارب نصر
ومين عشانها تجري عليها وهدمتك
م العرق
تعصرها..... عصر
يا بختها
ما تقولي مين
سامعك تقول انا.. لو اعيش
في خوص..فيك
اغلي عندي من الف قصر
ياااااه ياواد
كنش تقصد.. الحلوه.....مصر
ياهناها بيك
ياواد. عايشها . وعايشه. فيك
وبتناجيها صبح .وعصر
مدمن حروفها. وحرف. حرف
تتأني فيها وتقول يامصر
ادعي ياولدي يحميها ربي
الحلوه......مصر
ليست هناك تعليقات:
إرسال تعليق