(..بديعه..)٣٠٦
ارقيه ...واقري ع دماغه
مافقش
خبطي. مره ع صداغه
مافقش
طب هاتيلي ورقه كراسه
قطعيها النص
وهاتيلي ابره معاها مقص
ياخاله الواد
لا بيعيط. وما بيرفص
ومين شافوا ومسماشي
وضربه العين وراح ماشي
ومين يابت بعنيه بص
وخلاص بنقص ف عروسه
وبالابره وف عين اللص
وف عين ناعسه وفتحيه
و كل ال شافه وعص
وف عيون كل أجنبي
شافو وماصلي ع النبي
وف عيون كل من كان
خاله قاسمه والبت نسمه
و الراجل ال ف الدكان
وكل ال ماشي ع الحيط
وكل البيت
وال فيه... من السكان
ورشي الملح
وهاتي يلا الولعه
وحطي العروسه فيها
وبعد الولعه طفيها
و لفيها وبخري بيها
في كل البيت
وكام خرزه هنا زرقا
وحطيها هنا ع الحيط
وماتشغلي بالك بالقلق
وقري سوره الفلق
هاتلاقيه زي القمر
واحمدي ربك ال خلق
وغذيه قبل مايعصعص
هاتدب الصحه ويرفص
طب اقري تاني ع دماغه
بهمه وبحب وحماس
واقري وايدك علي دماغه
وارقيه بسوره الناس
وساعتها تكمل الفرحه
يدق الفرح والفرحه
وهاتي يابت الطرحه
وزغروطه ياخاله بديعه
واربطي وسطه بتربيعه
وكات أوهام
وكام م البدع وتقليعه
وفي الاخر قرت قرآن
وكام آيه
وفيها الحصن ومنيعه
ولاينفعنا فيها تقاليد
ولا وصفه خاله..بديعه
ليست هناك تعليقات:
إرسال تعليق