حب الجامعه ...
واستني ترام واحد
مع ان طريقي
ترام اتنين
من أجل انا
وحبيبي ما نتواعد
ونتقابل سوا الاتنين
ولما يغيب عني
افضل بالساعه مستني
ويعدي ترام واحد
و وراه ترام واتنين
واسأل عليه الأصحاب
حبيبي النهارده ليه غاب
وقلبي من قلقه
نبضه يسمع الركاب
وقصتنا بقت معروفه
وكلهم عارفين
اننا احباب
واني كل يوم باستني
اركب معاها
ترام - واحد
واوصلها لحد ماتنزل
وبعدين اركب
ترام - اتنين
وعدت بسرعه أيامنا
وخلصت دراستنا
في الجامعه
وماعدنا خلاص بنتقابل
وماعادت طرقتنا تتقابل
واصبح حبها ذكري
ولكن لسه في قلبي
سايب مكان شاغر
وكل ما اشتاق لها
اقول بكره
اركب ترام - واحد
يمكن من تاني
انا وهي نتقابل
واعيش لحظه
مع الذكري
وارجع اركب
ترام - اتنين
شعر : احمد المرشدي
ليست هناك تعليقات:
إرسال تعليق