(..ميمون..)٣٠٠
وكام ميمون ومتخفي
وكأنه ملاك في وسطينا
ويولعها ومايطفي
غلب ريه مع سكينه
لسانه قاتل ولا حربه
بكام خنجر وسكينه
وفيوز اللسان ضاربه
ضحايا كتير ومسكينه
ويرمي نار ومن عينه
تخش الدار تروح خاربه
مفيش هدنه و تسكينه
وعامل انه مش ميمون
وانه الوحيد مضمون
تقوله سر ومتقولش
تلاقي الدنيا عارفه يخون
ياعم القرد ياشيتا
عاوز تندب عاوز ميتا
و تلطم فيها علي وشك
وفرصه تزيط مع الزيطا
ياعم اصلح بقي حالك
مع قرودك وانجالك
وخليك في جبلايتك
ده ربك ليه من الحكمه
من الاحمر كتير ادالك
قرود ماشيه بتنطط
وتشقلب وبتنقط
عجين الفلاحه تعمل
وترسم شر وتخطط
ياعم القرد بتتحفنا
تيجي وتنط ع كتافنا
وتوسوس لخلق الله
وجاي تضحك تلاطفنا
ياسي ميمون حرام قولك
وانا ف عرضك كمان طولك
انا جديت خلاص منك
ياريت بطل لمفعولك
............وربنا يهديك
ليست هناك تعليقات:
إرسال تعليق