..دولاب العمر...
فتحت دولاب نفسى
لقيت روحى على رفى
لقيت تعبى
لقيت لفى
لقيت عمرى جوه ترابى متخفي
نفضت العمر بين حزنى وبين فرحى
وجلاليب الغرام دابت
لقيت خصل الشعور شابت
لقيت كل الظنون خابت
وفوق رفى
رف زياده فوق رفى
خايف احزانى ما يكفى
قفلت دولابى
ونسيت عمرى فوق الرف
مجبتش إلا جلاليبى
مستراش وجعى ولا شيبى
خساره العمر ضاع واتلف
بكيت عمرى اللى ضاع ع الرف
ولما حسبت أنا فرحى
ضربت كفوفى كف بكف..
ليست هناك تعليقات:
إرسال تعليق