اتعدلى يادنيا
………….......
يادنيا عيب اختشى
لمى معايا الدور
ما شفنا يوم شفتشى
ولا حتى طاقة نور
سايقه معايا العوج
وعنيكى بتقول غور
ولابسه وش الخشب
وبلف فيكى وادور
وتدى من غير سبب
للقرد والفرفور
ومعلمانى الادب
ودايمن فى اااخر الدور
وحظى دايمن وحش
واقف خازوق ف الزور
فى بختى شفت العجب
جايز اكون مسحور
إن كَلت حتى السمك
يطلع بدون فسفور
وان كَلت يوم جمبرى
يجيلى إلتهاب ف الزور
..
خلصت فيكى الكلام
وفيه كلام محشور
بطلت اقول اه ياني
أو الجناح مكسور
ومش هعيد من تانى
مع انى مش مغرور
امشى معايا بأدب
وادينى م المكمور
لو سقتى تانى العوج
انا هكشف المستور
محمد وحيد
ليست هناك تعليقات:
إرسال تعليق