محقوق!!! ٢٧
وليه يا عيوني ماتنامي
انا المحقوق
انا ال خدتك م ايدك
ودقتي طعم اوهامي
انا مخنوق
عتابك كتير مأنبنبي
انا المحقوق وليه عابني
مابينا جدال مغلبني
وماسيبني
اعيش ف سلام
مع اني قولت احلا كلام
وكنت النور ف وسط ضلام
وامد أيدي اخد ايده
واطمن وبعديها انام
وبين قلبي وبين قلبه
رغم سكوته الف سلام
فين بقي الغلط مني
ومين هايدافع هناك عني
دفاعي رموشي والنني
غصب عني سهرتك
وغصب عني ماتنامي
انت ال مفتحه عيونك
وحتي ف عز احلامي
وكنت عليك اتحايل
ومن قلبي بلا جمايل
الاقي هواك كان مايل
تضحكي وتقوليلي سبني
انا نومي م العيون زايل
وف الاخر تعاتبيني
بخطوط مكتوبه ع جبيني
والحق يبات ساكن عندي
ومطلوب مني اتأسف
يا عيوني كنت متعسف
وسهري حمل متكثف
ولو جفنك يكون منصف
وانا آسف
ليست هناك تعليقات:
إرسال تعليق