امنيات عجوز!!! ٢٠
طرقت باب العشرينات قالي
. مين انت!!!
ياعم روح بعيد ولي
قولتله انا محمل
سنين.م العمر واتأمل
وكام حلفان بالمتولي
هدي شويه او خلي
بياع الصبر مايغلي
انا نازل ف دحديره
ماعدش حساب لبنديره
ياريت عني ياريت تصفح
ياعم الباب ياريت تفتح
مفيش,ليا مكان عندك
مفيش,مطرح
ياريت م الجمع
تيجي وتطرح
مفيش سكه اليك سالكه
ولو وعره ولو حالكه
راح امشيها ولو حافي
ولو زمني قافل طافي
ولو خوضت ميت بركه
وروبه وصله لكتافي
طاوعني واديني منك
وخد سني وهات سنك
تقول طيب عنك اشيل
اقول لاءه اشيل عنك
وهاودني
ده انت حلم يراودني
هاغنيلك...
وايدي حاططها ع ودني
ياصبا ميل
كلام رجاله مش عيل
وقول حاضر
وهات منك وزيد كيل
ومش ساكت
خبطي كتير ع بابك
واحاول اخطي اعتابك
لو حكمت
راح اغول
واعمل سطو ع منابك
وترجع شعرتيني سود
وكأني من تاني مولود
يااااااه
يبقي كلي بكلي سعيد
يدب صباك ف شراييني
وودع علة التجاعيد
وانسي كتير حاجات شيله
وكام أهه ف كام ليله
ولون واحد دلع نيله
وسامحني
ولو بعنيك هاتلمحني
تلاقيني
عود صبح محني
صحيح يمكن عشم زايد
وعمري حساب بلا فوايد
بلاش لاءه وماتجرحني
ومش عايز يخيب ظني
لكن عارفك مش هاطاوع
قليل الأصل وملاوع
لكن جيتك وع بابك
وخرمت ف كام شارع
ياريت مره لحالي
تباوع!!!
باوع ...بالعراقي تشوف
ليست هناك تعليقات:
إرسال تعليق