يوميات حماري!!! ٢٣
سكه الغيط عارفها
بقت وليفي وانا الفها
عيني ماشيه وشايله نومي
والخطاواي حافظه شوفها
والدقيقه ال ف يومي
الطريق نفس الطريق
والمناظر هيا هيا
.وخيالي هناك سابقني
والقدم سايب علامه
والتراب عفرلي دقني
سار صديقي ولا مضايقني
قوتي شايله ف القناعه
أملي ان انساه لساعه
جوعي شايل الف دقه
والنسيان نساني طقه
جوعي بقي للجوع مناعه
يعدي يومي.وهلما جرا
كائن ودايخ ف المجره
بألف بؤجه والف سره
فيها لفه.
شايله لقمه بس مره
بطني زامت عملالي زفه
وبتناديني... انت كافر
وانا دابب *مآوح معافر
رجلي ماشيه تجر حالي
حدوتي دابت ف حافر
ومسهم وخربوش مفيش
وجناحي مفهش ريش
كل صدر احسه.ساقع
قلبي مره مادفيش
ولا ليا خل يسأل
ولا ضهرولاحتي ضافر
والشقي.. مكتوب عليا
وبكره ناسي باينه سافر
راضي مرضي
طولي واخد كل عرضي
عرقي عطري
صاحبت شردي
وقسمتي
ولاعمري ...نااااااافر
هاء هاء هاء هاء
ليست هناك تعليقات:
إرسال تعليق