(..حبل..) ١٩
وبمسك ف حبال دايبه
واحلامي تاهت خايبه
تروح بعيد هناك تسرح
ترجع ومعاها كام نايبه
ياعم الحلم عيش توبك
وماتوسعش احلامك
وماتبصش لفوق لتتوه
وتقع والذنب مش ذنبك
تقول الارض كات عايبه
عيش وماتلبس غير توبك
تقول دنيا صحيح سايبه
ومعطوبه ومش طايبه
تتوه ف توبك الواسع
تاخد صدمه تروح منك
تروح مخووت بقيت لاسع
وتقول دي سكه مكتوبه
و قولك مش ع قدك
تسرع وترجع عن مدك
ترجع ماسك تاني حبلك
زاد همك وكوم جبلك
تقول ان السبب زمنك
ومايطربش صوت طبلك
وتبقي صوره مصلوبه
مغلوطة معادله مقلوبه
فاقد الحس بقيت طوبه
روح عاير هناك كيلك
سند بشهامه ع حيلك
ونقي العود من الشجره
يكون سندك ساعه ميلك
راضي بقشك وبنجيلك
وادعيلي وانا وادعيلك
تعيش توبك
تعيش جيلك
ونصيبك من دنيتك الستر
يدوم شفعك. يدوم الوتر
وحصيرتك كافيها منديلك
وناديلك.لو لمره تهل
تطل بنور قناديلك
وعجبي!!!
.
ليست هناك تعليقات:
إرسال تعليق