زجلية تحت عنوان :
فيق ***
فيق ...
يا لبريق
راه شحال من فاسد زندبق
دار لعصا في رويضة
ؤ بيك شد ؤباقي شاد الطريق
قرع كل الدروبة
ظلمة والاوساخ م بقات حومة....
هدم الفرحة ؤنت باقي عما...
تايه في الحقرة والشهيق
فيق...
مالك المرارقي اش طرا لك
طحتي عما ذليل راشي بالك
رضيتي ب كل شماتة ....
ل م بسوى م يليق
فديك الكافلة وكلاب الكرنة
يدهم سريفة حادقة ف النهب والخونة
لا وطنية لا محبة صادقة ...
غ حب الخطفة من ذاك الصنيدق
ففيق ...
يا الغافل وافهم..
هاذ الحال وجع والم
ولات الشفرة صنعة...
ؤعاد الطناز خليل ؤرفيق
بلابلا بخور سحرت كل طماع خاوي
الوهم رابطك الدوران ولقهاوي
علة ردوك منهوك ؤحلفتي م تفيق
فيق...
فذوك الغربان سكنوا لعلالي
قصوا جناح لغشيم ؤنت التالي
غدا يغلاظو ؤ يدوسوك فعيق
الشفرة موضة ردوها ؤ بالعلالي
حطابين الحق بالرماد سوكو حالك ؤ حالي
وها انت يا لهبيل عور غادي...
التبحليس والقفزة والتصفيق
ففيق يا صاحبي فيق
مالك بالرخص رهنت ايامك
هما في الفخفخة والغمة راس مالك
فرطتي ف حق الكبدة ...
سكنهم الجهل والنقص...
الياس الفقسة والضيق
دوس كل شماتة ؤعقدة سي ثرثلان
ذاك لباع فيك ؤشرى ؤمال الميزان
ركب القنعة ؤفيق ؤيا لبريق
فيق...
راك وليتي بردعة ؤعكازة طريق
دابة حاشاك القص والنهيق
راه شحال من فاسد ماكر زنديق
دار لعصا في الرويضة...
ؤنت غ كالة ؤمكمل بيك الطريق
فيق...
***المغرب*** الزجال والشاعر : أحمد الكندودي***
ليست هناك تعليقات:
إرسال تعليق