*سيدنا المرتب*
..............
قبضت مره المرتب
وقعدت بخرته
وجبت شبه وفَاسوخه
والجنى حضرته
وقريت عليه العهد
والورد والطلسم
يكمل لنص الشهر
الجني قام برطم
وشوشتله فى فيزته
يستنى بس يومين
وكأنى نرفزته
وهيشتم الوالدين
وقالى يابن التيت
احارب الاسعار
ولا اللحوم والبيض
وايه يكفى الخضار
ونور وغاز للبيت
ولا دروس الولاد
والمواصلات والزيت
وانسى الهدوم والجزم
وامشى جنب الحيط
والعلاج لو لزم
لسعه من ابو النطيط
زى لسع النحل
وجنزبيل م البيت
اما الطبيب والدوا
تبيع له عفش البيت
الجني جاب آخره
وقال ياريتني ماجيت
حسيت معاه بحيرته
ومنين يودى لفين
هددنى يسخطني
إزاي يسد الدَين
وقالى ظبطنى
إنتَ إللى زيك فين
صابر ومستحمل
بدل السنه تلاتين
وكأنه عيل شاب
ضهره اتحنى نصين
فص ملح وداب
طار فى غمضة عين
حبيبى يامرتب
ياريت ماخيرته
حطيته بين نارين
ياريت مابخرته
وكان كفايه يومين
دام الابداع والتالق والاحساس الراقي شاعرنا الغالي
ردحذف