تخاريف !!! ١٧
وبالجرام وبالاونصه
والسهم عالي ف البورصه
ورايتي عاليه بتهفهف
تخاويني تكون فرصه
صافي القلب ومسالم
وجوايا ربي بي عالم
لا عمري خدت ال مش ليا
ولا مره نصرت للظالم
ولو كانت الهموم تارسه
عزيز قوم ومن يومي
زاين توبي مالي هدومي
وياما خسيس زعق جعر
مايشغلني
ولا يقلقني من نومي
كتير الصبر ف كومي
راضي ومرضي
وحامد ربي ف فرضي
وطعم الشهد في تومي
بحسن النيه اروح وآجي
وادعي لربي واناجي
لو سعدي هناك شايفه
وانا لو عنه متغيب
علمني زمني ياد سييب
ويكفي للعايب عيبته
وفعلك زين مايتعيب
عيارك ف الخلا خيب!!!
حضر لخالك الطيب
قولك طيب وليه هيبته
وماتندمشي
روح وامشي
لو حسبوك ع النيه
وفين ديه وفين ديه
كسبان الحكم.... بكام ديه
وقبل اسمك..... الطيب
ولو انياب الحياه شرسه
وسايقه العوجه وممارسه
وعكس الريح بعين فارسه
ماهي بورصه
طالع نازل ...
لاغي الدنيا وليها غازل
وقول الحلو ال مش فيها
ولو الهم مترازل
ونار المر طفيها
.وع روحك روح طبطب
وهدهدها ودفيها
اكيد عين الإله حارسه
وايه فيها
ماهي دنيا....
وفيها ناس عليك تأسي
وناس جنه وناس كارثه
ووسط الحلو والمالح
اكيد راح ترسي ع مرسي
ومصيرها يوم هاتضحكلك
وهاتشاور
وتتحاور
وترمي شالها وتناور
ولو بالفرض كات خرسه
وعجبي!!!!!!
ليست هناك تعليقات:
إرسال تعليق