( سينما..ابيض واسود )٤٠٦
ويدوب وصلنا لسنه اولي
وبننسي.. لأمنا الغوله
دخلنا ع اوضه الفران..
.والمرعب كان اسمها
ولا كان شوفنا رسمها
وكأنه ورث.. ومن زمان
لاكنا شفناها مره
.وسمعنا عنها م الجيران
وكام مره أقوم مفزوع
وف دماغي الخوف موضوع
ورعشه وخضه والعرق .
..نازل من الاوره. تقول مرق
وثواني وهاوصل للغرق
وصوت جوايه مش مسموع
وفي ال كتاب قبل سنه اولي
...الخوف كان من امنا الغولة
وانا لا بس لمريلتي.....ومدهول مع ريالتي..
.وجزمتي المتفرتكه السمره
مع دقني ال كات حمرا
ولا حاسني ولا بحالتي
وحكايه كانت بيحكوها.
وزاد خوفي من التمرا
مع حبه فشار ف سبوع
و نخاف ونعمل الواجب
ونغمض... من رفعه الحاجب
وعاجب... ولا مش عاجب
.....لكن سابت مرار للكوع
ونص حياتنا كانت ممنوع
.وهب عارفنا للفوله
و بننسي الرجل الشوله
وشمينا.شويه امان .
و.فجأه بعبع ...جديد نوفي..
..وعملوله مابينا مكان
ويدوب بتعافي من خوفي
و..انا الاهران
اخاف فلكه...واوضه غامضه للفران
ومعاهم لكام جربوع
وكأن خوفنا كان منهج
ومقرر ف كتاب مطبوع
وكأن عشنا متخلل
وميراث ولينا منقوع
وعسليه والطعم مرار
وتتخيل فيها كام فار
وده يعضك من يدك
وده يقرم و من خدك
وأكبر فار يروح.شدك..
..وف الحيطه يروح هابدك
يروح رجك يقوم ردك .
...تموت م الرعب ..وطاوع
وتسمع.... وحاضر ولا ملاوع
....تقول طيب وكفاية بس عليك دو.له
ومن ندهه.. ومن قوله
وتتهته..
والعين منك تروح حوله
وبقت قصه وعشناها وبنعيشها
ورجعت تاني.م الاول
لمرليتي مع ريالتي وسنه اولي
وتاني نطوف
ولبسنا عبايه...رعب وخوف
وسكن الرعب جوا الجوف
من الفار ومن... امنا الغوله
.... معقوله!!!!
.
ليست هناك تعليقات:
إرسال تعليق