(..تشرفي..)٤٠٧
ممكن تقولي ..
وايوه ممكن تحلفي
وممكن كمان
تعيشي الخيال
وم الخيال.. تألفي
ممكن معاكي
تتوه الحقايق
تتوه الحروف
وكل المعالم تزيفي
وكل ممكن
معروف يقين
جواكي شين
انت فيه بتحرفي
الممكن اصله فن
وانت في الحبكه جن
بشظايا ناره بتحدفي
فاكهه طالعه
ف غير الاوان
لا طعم ولا حتي ريحه
لون فقط وياريت مريحه
عكس لكل اتجاه
غاويه ليه و تقدفي
والعسل
مر و سم
وكل كلمه فيها..... زم
ودب طاخ .ودب بوم
لاحساب لخال ولا حتي عم
اعلي مرتبه النميمه
انت فيها.... تشرفي
بس بكره...هاتعرفي
ليست هناك تعليقات:
إرسال تعليق