امايا/الشاعر محمود عفيفى مجلة روائع الشعر والنثر وفرسان الحرف

 (..امايا..)٤٠٩

انا يامه الطفل

ال بيتحنجل....  ويكفي

وبيقاوم ويدنجل..

بهدمه ماستره للجته.

.لكن شافه

وماسك طرف جلابيتك

وامله لكفه يدفي.

وقلبه بينادي يا حبيبتي

 بكل الهمس وبخفه

تشديني اقوم ماشي

.لكام خطوه  عن الحافه

واسند تاني ..واكعبل .

.واقوم واقف

 الاقي البسمه ع وشك

و عينك م الفرح... رافه 

تقولي ابني ..وم الخضه

تجز....بغيره تروح عضه

يا واد اسكت ده انا دهبك

بيضوي ولا يوم صدي

 انا الام.... وانا الامه

وكل الدنيا  تتوضي

 انا الفضه......

ياواد  مالك....

ده من خيري شايله لك 

ياواد اجمد ده انا ع الغالي ربيتك

وخيلي اصيل ودابيتك

 ولا عمرك يدوب بيتك

وايدي حاكمه للدفه 

وانا شمسك وانا همسك 

وانا الضله ال خبيتك

ماانا العنبه. ام تكعيبه

وانا ميزانك وانا الكفه

ومهما وصلت من شيبه

هاقول ابني...

وملو الفم ما يعيبني

ومين بعتابه يغلبني....

غيرك انت

ومين ينده ....واقوم لفه 

ياواد حاضر.... انا عشانك

ببات  باكيا

ياواد نظري..  عليك ناضر

بداري ف دمعي ولا حاكيا.

وربك بي عالم قادر

مفيش غيره و ليه شاكيا...

ومن اجلك...

......       تأيد النار ماتطفي 

وافرحلك...

.....   وانصب كل يوم  زفه

وروح....

.....    الهي.   تنتصر.  دايما 

ولاعدو .منك.   يشفي