(..البعوض..)٣٩٥
وفوق كتافي حمل مايطيقه البشر
زاد الحمل لما البعوض ظاط وانتشر
ارسم خضار ..يجي ويلدغ الورق
وبشفاطه طاير وعينه ع المرء
ومابطل زن.... غير لماشافه بينحرق
صاحيه العيون سهرانه وماسكه عكازها
شايفه سواد ومين قال .لاء
ومين أجاز... جازها
بقيت شخشاخه ف وسط كام عمه
بقت لمه.... تحتيها كام طربوش
يارب حوش
تاه الكلام مني وفي صمته انحشر
هوالحكايه كده ولاطبع البشر
سنين ياسمره يدك ع خدك و منكده
تدعي هنا وهناك للحسين والسيده
لحظه الاقي فرح و بتفرحي
وباقي يومك.قاعده شارده بتسرحي
وشهور بتبقي رابطه الطرح و معدده
ومحدده.......تاه الولد وياريته حارب للعدي
ده من شويه كان نايم علي فرشته
كان من شويه ماسك لقلمه .والوانه.. و فرشته
قال ع الالم ..رسم العلم ..
صابته عين ورشقت نشته
معرفش من هو ال بصورته بعت ..
.وباسم الولد واسم جده نعت
ابن كذا وابن كذا ..
.جاب شرشره واوام حشته
ماهو اصله كان ف عشته
وكان فارشها بالأمل... وراسم ع الحيطه جمل
ال يعني صابر ع الشقي
لاعمره فكر ان الجمل...واخده لحبل المشنقه
ويروح كده ..كل الايادي مأسده...
ولامنه عاش ولاحتي حارب للعدي
ابكي وافرحي....بس اوعي يامه تسرحي
.اصلي انا
موجود هنا .والكل عارف مطرحي
حواليني يامه خضار....وحور العين فيا مطلعه
وعلى مدد الشوف شايف هناك لنار
وفيها دار......جواها ناس تانين ومولعه.
.و.كل الندم و الضلوع متخلعه
سامع صراخ وكمان عويل .شاربه لنار ومدردعه
.مش عارف ياامي....
ذنب تقيل...ولا ضحايا للخدع
ولا ده البعوض ال امبارح زن ولدع....
وال كان تاجر خداع وال باع....
.للذمه
ولا ال.ضيع حقوق ف وسط لمه وقمه
انا جاي وافرحي..راح اعود
.انا جبت رش للبعوض
ومش هايجي يزن تاني ناحيتك.. وم مطرحي راح يتمحي
ويخيم امان يسود
وسط الخلايق يختفي ولا تاني ياامي يعود
افرحي يامه...وهاتي اللمه ..الطيبه
وفرحيهم وبشري. بفرحه قربت وقريبه
وها يغور البعوض..وبسمتك ها تعود...
ويعود معاها الصبا
ليست هناك تعليقات:
إرسال تعليق