(.نقطه وحرف..)٣٩٨
حروفي ..محتاجه
فوق حروفها حروف
عشان تحكي عن روحك
وتمشيها... وفيها تطوف
وتمحي من الوجود خوفك
وكل حرف
عايز من غيره.... كام مدد
عايز عدد
عشان مايقول
عامل انه صالب طوله
لكن حاله...تقول مخطوف
صحيح... هايكون وازن نفسه
ومكتوب صح
وليك واصف ولاهو مكسوف
ويسألني
يا تري وصلت للمعني
وقولت صح عن الموصوف
ولا اكون انا قصرت
ولا خرجت عن المألوف
ومداري ف نقط وحروف
ولا اكون انا عميان
ونظري. طشاش
وفقد ال شوف
اطبطب. واقوله
ياحرفي اصلب بقي طولك
واظبط. في الكلام قولك
وامشي وخليك ع السطر
وماتبحرش ولا تغوط
ولف الكلمه وتحوط
وديما.خليك. قريب م الشط
لا تغرق وسط دوامه..وتصوت
واخرك تكون ماشي ....موازي للخط
واقف ف صفوف..
حريص م الجرف
وماسك في يد اخوك الحرف
وقول قولك...
ولو قايل ومن قلبك
سيب أملك ع ربك
الجزاء عنده....
وعارف. كل حركاتك
وايه تقصد وسكناتك
وكل رمشه للحاجب
ولو قولك. والكلام عاجب
يا بختك.......ياعم الحرف
ليست هناك تعليقات:
إرسال تعليق