(..في يوم وليله..)٣٩٤
مش فاكرلك اي ذكري كانت جميله
بس غدرك ال فكره ف يوم وليله
يوم ماكنت تقولي انك وحشني
وتبيع وتوجد للبيعه الف حيله
كل حاجه كنت ..اظن ان باقيه
كل كلمه حلوه.... كانت تروحلك
كانت ترجع تقولي... والله مالاقيه
قلب طيب او حنان.... دي ارض بور
سيبها ...تغور
ده انت بتلف وبتدور.... في ساقيه
الحنان من بعد منك احاول اطمنه..
وابعد بقلبي عن كل حاجه تحننه
وانسي جرحك بالفيه من مآسي
انت ناسي!!
ان عمر قلبك يوم ماطبطب ولا هننه
والوفا هاقفل عليه كل البيبان
ويحرم علي ال باعني مره وال خان
وال قطف يوم لورد.. عودي
وال راح وساب جراح... وحبي هان
انت مين ولا انت فاكر مش هاعيش
انت مين لم اروح انا ....وانا مجيش
بس ماشيه الدنيا وانت مش ف الوجود
والعهود .....ال قولتها بقت مفيش
روح وفكر. ف الكلام وخد قرار
اصلي انا شربت منك كام كاس مرار
والسواد ال ف قلبي كله منك
قبل منك كان بس لونه هو الخضار
كل فرحه كانت في عيني وحوشتها
كل فرحه كانت معايا وعشتها
كل دمعه بتقولك دلوقتي..... روح بعيد
عيش سعيد ..بس عمرك والله ماوحشتها
واعمل ايه.. وماباليد حيله
مش فاكرلك اي كلمه كانت مره جميله
وال فاكره بس ليك
ان بعت كل دنيا وبعتني ف يوم وليله
ليست هناك تعليقات:
إرسال تعليق