. ..(..شقي..)٤٠١
وفيها عرقي....
وشرف مكتوب ع ورقي
وفيهاشويه من ريحتي
وتسبيحه بمسبحتي
وشويه م شقوق كفي
وتخذلني ولاتلبي
ولا طلباتي بتوفي
ميكونش ابوك متوفي
لابتحني ولا تعفي
ده انا جايبك
من نهار يدوب شقشق
ومعزه دارنا بتمأمأ
وطير صابح يجيب قوته
سايب عشه ال مدفي
وانا وهو ....
بنصحي الصبح فجريه
يطير هو
وانا أشق بدريه
يدوب ع اللحم جلبيه
ولو العضم متشفي
.....لكن سندال
وناوي الفرح
بااللقمه الحاف
وبعديشي ملح
تقول سكر....
عسل نحل متصفي
وكام دقه وكام هيله ....
تقيله والله الشيله
لكن ربك بيهون ....
ورزق بيجي متخفي
بدون هيصه وهليله
ويطبطب يقولي اصبر
انا هاحلي اللقمه
انا راح احلي للعيشه....
انا راح اخلي ايامك
لابسه لطرحه ولبيشه.
..وكل شر متخبي
هانجيك منه
بس انت قول
...حبيبي انت ياربي
ليست هناك تعليقات:
إرسال تعليق