قمه طارئه .. !!
طارئه والا طلقه
ورصاصه في الدماغ
وتموت القضيه
ولا حد شاف
مين اللي باع
علي راي
العم نجم
سيبك بقي
من البتاع
اصل البتاع بتاعهم
واحنا مالناش
في البتاع
فهمت اي حاجه
يالاه .. بلا وجع دماغ
البس التوب وهيص
واعدلي الشماغ
ولا تقولي قضيه
ولا اسمه ايه
ده البتاع
علي راي القذافي
حاره .. حاره
زنجه .. زنجه
كل العرب
خانوكي ..
باعوكي ..
يا غزه وانتي
في أعز زنقه
بكره يبكوا عليكي
لما الدور
يجي عليهم
ويبقي هم
في زنقه
شعر : احمد المرشدى
3 نوفمبر 2023
ليست هناك تعليقات:
إرسال تعليق