( الشاطر حسن. )٣٩٠
هو.فين. الشاطر حسن!!!
وغيابه طال وعلينا عوق
هو لسه النهار. مهدي
ولا حمل لرقبته طوق
.هو راح وليه مجاش
ناسي ال مات ...وفات ال عاش
ولاغضبان.... ومعدش شايف
النهار من يومه خايف
كل وش غش و ملغمط ببويا
حتي نكرنا ...النسب
ودي مش امي..ولا ده ابويا
واهرنا بتزيده الهموم
والقنايا حاويه السموم
ضافت ع كل الوشوش
.......رتوش
شاف اخوه ...معرفهوش
مستغرب.....ولا قال اخويا
هو تايه!! .هو...غايب!!
ولا معدناش. حبايب
حسره لا يكون .اتخبل ..
ولااتهبل. والمخ عايب
ولا هم الدنيا حط
ولا نصيبه هم وغم
وف خرجه جايب
فرق الحظوظ بعيد
ولحد عنده ماعدش نايب
يا حسن..شهل..ما تيجي
ورينا ف النهار شطارتك
عدي..اناحالف و نادر
تبقي ضهري ليك قنطرتك
بس انت عدي
ويلا ..شهل. اوعاك تهدي
ده انا كل ما تيجي سيرتك
لازم اقول جدع و شهم
واكد ولد......ابن بلد
واكون شكرتك
هات حصانك ....اركبه
هات لسانك....ومش هاتعبه
وان مقالش واتربط
هاعذره. ولا انبه
بس امتي بس تيجي
وتجيب معاك كل الأمل
عالي وراكب فوق جمل
يطبطب ع الكهل العجوز
ويمسح ع وش الحمل
والنهار. هاتو. معاك
هات بنيه تكون ملاك
هات ولد ...هات بلد
جر كل سنين وراك
واوعدني وقولي جي
وانا. مستني لطيفك
كل أملي قلب كيفك
تطوي كل مسافه طي
اصلي انا شبعت موت
بس اكيد هاصحي تاني
وان بكره ابقي حي.....
بس انت...... قولي جي
ليست هناك تعليقات:
إرسال تعليق